بابا ....
همممممم ... نعم يا أحمد
يعنى ايه ثورة ؟؟.
قول انت يعنى ايه ؟.
عارف سموها ثورة ليه ؟
ليــه يا احمد !!!
علشان الثور ... ثورة من ثور
ضحكت وقولتله ايه علاقة الثورة بالثور يا حبيبى هو احنا حيوانات ؟
لا يا بابا الثور بيغضب جامد ومش بيحب اللون الاحمر زى الثورة .
انتبهت واتعدلت فى قعدتى وسألته اللون الاحمر ماله ومال الثورة ؟
يا بابا اللون الاحمر دا اول لون فى علم مصر - وبحزن - ولون دم الشهيد .
حضن وبوسه ودمعه فى العين محبوسة .
======================
أحمد ابنى الكبير 8 سنين بعد ما صحانى من النوم كان الحوار دا معاه .
2 Comments
