مطرقة الأمل

خطى برويةٍ نحو الشمس آملاً فى إشباع عيناه بضوء الأمل ،

 كان يردد بين الفينة والأخرى بضعة حروف عن عشق الحياة...

 وهمس النفس ...

واختلاف الحرف على كل لسان يجرى،،،

 كان يتنفس ويعيش الصفو ويقبّل الأرض ويلامس بمقلتيه سطح الضباب ،

 كان يمر بين نسائم عليلة ...

يشق جمعها وتنصت آذانه لصوت الرياح التى يلامسها وكأنه يفرق جمع تلك الجزيئات من الهواء ،

 تعود بعد مروره للالتحام من جديد فما كانت الرياح متفرقة وما كان هو مفرقها ...

بل كانت تغلّفه تحتضنه وتهبه الضوء وتهبه الحياة ،

وغابت الشمس عن عينيه لحظة فقد فيها رفيقه ومبتغاه ،

 فتوقف متجمداً فى مكانه وتوقف اللسان عن الهذيان

وتجمدت أنامل قدميه من السكون فعاودت الشمس فى الظهور ،

 أخذ خطوةً إلى الوراء ...

 فإذا به يظن بشعاعِ شمسٍ يداعبه ..

وما كان يداعبه سوى غصن شجرة يتدلى من حزنه تهزه ذات الرياح رفيقة خطواته ..

 فيحجب عنه ضوء الشمس جيئةً وذهاباً ؛

 توقف وأطال النظر إلى غصن الشجرة - بطل دربه الجديد -

فإذا فى أطراف أطراف الغصن ورقة منكفئة تجمّع فى نهاياتها قطرة ندى

تنوى السقوط وتعشق أن تنهى رحلتها بشكلٍ مأساوى ،

تابعها وصوب عيناه عليها....

 فإذا بقطرة الندى بعد حفيف الورقة تتمايل للسقوط ....

وهوت فى الفضاء من حولها وتحكم بعينيه وأبطئ الصورة آلاف المرات ...

فرآها تسقط فى بطئ شديد ،،،

 وحين لامست الأرض لم تتفرق ولم يتشتت جمعها...

 بل احتضنت بعذوبتها بعض حبيبات من الرمال وبذرة كان تنتظر ذاك العناق ،،،

 قرر أن يمنحهم جميعاً سبباً جديداً لحياةٍ جديدة ...

ورفع قدمه اليمنى وهوى بها كالمطرقة على البذرة معانقة الماء والرمال ،،،

 فغاصت قدمه بهم برفق .... 

وأعلنوا لقدَمه امتنانهم بعد الفراق .

من القسوة حياة ..

ومن الفراق لقاء ..

ومن المجهول أمل جديد .

فول ودستور والطرف التالت

أنا وبلال والطرف التالت :

داخل اشترى بجنيه فول وقلت هنستطلع الآراء كدا على السريعة فرصة لقيت بلال صاحب السلطة الوحيدة على قدرة الفول واقف على القدرة وفى واحد داخل بعدى علطول يشترى فول وطعميه ، كان بيحاول يسبقى وبيقوله بجنيه فول وجنيه عجينة :)  

وبعدين قلت بسم الله يا هادى واحد اتنين تلاته اربعه تست ، تثثث تثث

ازيك يا شيخ بلال عامل ايه ؟

بلال : الحمد لله كويس .

هتصوت بنعم ولا لا للدستور يا شيخ بلال .

الأخ اللى واقف بصلى بطرف عينه كدا من فوق لتحت مخدش واديت ورد الشيخ بلال ...

بلال : دا المرة دى بالذات نعم ونعم ونعم ولو مش نعم نخليه نعم .

أنا : ليه بس يا شيخ بلال والمرة دى بالذات ليه ؟

بلال : علشان أنا مقتنع بكدا وانا حر فى رأيي وانت حر فى رأيك .

O.o

أنا : طيب بس ليه هتصوت بنعم يا شيخ بلال انت يعنى قرأت ( الداستور افندى ) خلينا نحاول نفهم معاك؟؟

بلال : وهو انا هقرأه ليه وهو انا ليه رأى بعد رأى علماؤنا ومشايخنا الأجلاء ، وهو فى كلام بعد كلام الناس الروعة دى الشريعة ياعم الحاج !

أنا : اممممم بس يا شيخ بلال الدستور دا مش بيطبق الشريعة والدستور دا بيحكم بغير ما أنزل الله !

الأخ بتاع عجينة الطعمية دا تانى مرة يبصلى من فوق لتحت بس المرة دى أخد خطوة لورا شوية وتأمل وتمعن فتنحنح ثن كبت الحروف والكلمات ماع علينا مخدش واديت بردو :)

بلال : ومالوا ماهو العلمانيين والليبراليين هما اللى عايزين كدا وبرغم من اننا فرطنا فى كتير اوى اوى الا انهم عايزين يخربوها على الآخر يعنى انت عاجبك وقف الحال اللى احنا فيه ؟ عاجبك اللى بيعمله حمدين والبرادعى والمعارضين الـ***** عاجبك كل ما واحد مش عاجبه قرار يطلع يلم شوية ناس ويوقف حال البلد علشان مش هو اللى بيحكم ومش خاسس عليه حاجه وياكش تولع ؟ هو انتوا مش حاسين بالبلد وبالخراب اللى داخله عليه والعالم كله واقف يتفرج ويضحك علينا .

* اتفتح الشيخ بلال مره واحده ولسه بقوله بس خلينا ندور على السبب الحقيقى ومين ادى الفرصة للمعارضة الناس كلها نفسها تبنى البلد مرة واحدة وتبنيه صح خلينا نتفق ان .....

وهنا تدخل الأخ اللى واقف جنبى ، وقام بدور المعاون لصاحب المكان صاحب السلطة الوحيدة على قدرة الفول وهو بلال وقال :

وبعدين معاك يا استاذ الراجل بيجيلك فى العدل انت حر يا سيدى فى رأيك روح حط صوتك فى الورقة من غير ما تتكلم مع حد ومن غير ما تأثر على حد.

برورورم O.o

انا : طب بس حضرتك ءاأأء .

الطرف التالت : مفيش طيب .

أنا : ماهو المشايخ دول كمان بيأثروا ....

الطرف التالت : لا اله الا الله واستغفر الله العظيم يارب .

أنا : لا يا شيخ بلال انا مش عايز طعميه بجنيه فول بس سلامو عليكووو :)